i bin a ringlgschbüübsizza
und hob scho sim weiwa daschlong
und eanare gebeina
untan schlofzimabon fagrom..
heit lod i ma r ei di ochte
zu einen libesdraum-
daun schdol i owa s oaschestrion ei
und bek s me n hakal zaum!
so fafoa r e med ole maln
wau ma d easchte en gschdis hod gem-
das s mii amoe darwischn wean
doss wiad kar mendsch darlem!
i bin a ringlgschbüübsizza
(und schlof en da nocht nua bein liacht
wäu i mi waun s so finzta is
fua de dodn weiwa fiacht..)
Worterklärung:
en gschdis gem =den Sküs reiben: aus dem Tarockspiel hergeleiteter Ausdruck für den Abbruch eines Liebesverhältnisses
Hinterlasse einen Kommentar
Es gibt noch keine Kommentare.
Kommentarfeed TrackBack-Indentifikations-URI
